Tahuda lo mongo tiyombu ti”uwa,
Po’ odu’ota ayuwa,
Dahayi motiti’uwa
Mohuwalingo hi lipu-lipuwa.
Ayuwa lo mongo panggola mulo
Openu bolo hewontuwowa lo ombulo
To talala punggulo
Bo dila motota mohimbulo
Wonu mo titi-woyoto
Moonu delo humopoto
Umopiyo motidu’oto
Lundhuwa lo wolipopo
Wonu mo titi-wanggango
Dila tumuhu tumango
Umopiyo motontango
Boli luntuwa lo lango
Kalibi waw kawuli
Didu mopo’o mohuli
Pi’ili wawu ayuwa
To popoli hi wuluwa
(Dikutip dari buku Moodelo karya Medi Botutihe)
